Нууцлалын бодлого
HUNNU Институт (цаашид «бид») энэхүү номын дэлгүүрийг ажиллуулдаг. Энэ баримт бичиг нь бид таны ямар мэдээллийг цуглуулж, юунд ашиглаж, хэнтэй хуваалцаж, хэрхэн хамгаалдгийг тайлбарлана.
1. Бидний цуглуулдаг мэдээлэл
Та өөрөө өгдөг мэдээлэл
- Имэйл хаяг — дансаа таних, нэвтрэх кодыг илгээхэд. Энэ бол цорын ганц заавал шаардлагатай мэдээлэл.
- Нэр — сонголтоор, дансны хуудсанд оруулбал.
- Байгууллагын регистр ба нэр — зөвхөн та байгууллагын нэрээр татварын баримт авахыг сонгосон тохиолдолд.
Google эсвэл Facebook-ээр нэвтрэхэд
Та эдгээр аргаар нэвтрэхийг сонговол тухайн үйлчилгээнээс бид зөвхөн имэйл хаяг, нэр, профайлын зураг хүлээн авна. Найз нөхөд, нийтлэл, бусад мэдээлэлд бид хандахгүй.
Автоматаар бүртгэгддэг
- Худалдан авалтын түүх — ямар ном, хэдэн төгрөгөөр, хэзээ.
- Уншсан хуудасны дугаар — дараагийн удаа үргэлжлүүлэн уншихад. Бид таныг ямар хэсэгт хэр удаан байсныг хянадаггүй, зөвхөн хамгийн сүүлд нээсэн хуудасны дугаарыг хадгална.
Бид цуглуулдаггүй зүйлс
- Нууц үг — бид нууц үг огт ашигладаггүй, зөвхөн имэйл рүү илгээх код
- Төлбөрийн картын мэдээлэл — энэ нь банк болон QPay-ийн системд хадгалагдана
- Байршил, хаяг дэвтэр, зураг, камер, микрофон
- Гуравдагч талын зар сурталчилгааны хяналт (tracking)
2. Номон дээрх ус тэмдэг (watermark)
Зохиогчийн эрхийг хамгаалах зорилгоор таны имэйл хаяг номын хуудас бүрд бүдэг ус тэмдэг байдлаар шингэдэг. Энэ нь номыг зөвшөөрөлгүй тараахаас сэргийлэх зорилготой.
Хуудас нь зөвхөн танд харагдана. Хэрэв тухайн ном интернэтэд зөвшөөрөлгүй тархвал ус тэмдгээр эх сурвалжийг тогтоох боломжтой.
3. Мэдээллийг юунд ашигладаг
- Таныг нэвтрүүлж, худалдан авсан номд тань хандах эрхийг олгох
- Төлбөр боловсруулах, татварын баримт олгох
- Уншиж байсан хуудсаа сэргээх
- Санамсаргүй болон хууль бус хандалтаас хамгаалах
Бид таны мэдээллийг зар сурталчилгаанд ашигладаггүй, хэн нэгэнд зардаггүй.
4. Хэнтэй хуваалцдаг
Зөвхөн үйлчилгээ ажиллахад зайлшгүй шаардлагатай тохиолдолд:
- QPay — төлбөр боловсруулахад. Захиалгын дугаар, дүнг дамжуулна. Таны нэр, имэйлийг дамжуулдаггүй.
- Татварын ерөнхий газар (ebarimt) — татварын баримт олгоход. Хувь хүний баримтад хувийн мэдээлэл дамждаггүй; байгууллагын баримт сонгосон тохиолдолд танай байгууллагын регистр, нэр дамжина.
- Имэйл илгээх үйлчилгээ — нэвтрэх код хүргэхэд таны имэйл хаяг ашиглагдана.
Хуулийн байгууллагын албан ёсны шаардлагаас бусад тохиолдолд бид таны мэдээллийг гуравдагч этгээдэд өгөхгүй.
5. Хэр удаан хадгалдаг
- Дансны мэдээлэл — та данснаасаа татгалзах хүртэл. Худалдан авсан ном тань байнга нээлттэй байхын тулд шаардлагатай.
- Нэвтрэх код — 10 минут. Дараа нь автоматаар устана.
- Худалдан авалт, татварын баримт — Монгол Улсын нягтлан бодох бүртгэл, татварын хууль тогтоомжид заасан хугацаагаар.
6. Аюулгүй байдал
- Бүх холболт HTTPS-ээр шифрлэгдэнэ
- Нэвтрэлт нь нууц үггүй — имэйл рүү очих нэг удаагийн код ашиглана
- Код 5 удаа буруу оруулбал хүчингүй болно
- Номын файлууд шууд татагдахгүй — зөвхөн эрхийн шалгалттайгаар хуудас бүрээр үйлчилнэ
- Өгөгдөл Монгол Улсад байрлах сервер дээр хадгалагдана
- Өгөгдлийн сан тогтмол нөөцлөгдөнө
7. Таны эрх
Та дараах эрхтэй:
- Өөрийн мэдээллээ харах, засах — «Миний данс» хуудсаар
- Дансаа устгуулах хүсэлт гаргах
- Ямар мэдээлэл хадгалагдаж байгааг асуух
Данс устгуулах хүсэлт гаргавал таны хувийн мэдээлэл устана. Гэхдээ хууль тогтоомжийн дагуу татварын баримтын бүртгэлийг хадгалах шаардлагатай байдгийг анхаарна уу.
8. Күүки (cookie)
Бид зөвхөн нэвтрэлтийн күүки ашиглана — та нэвтэрсэн хэвээр байхад шаардлагатай. Зар сурталчилгаа, хөндлөнгийн хяналтын күүки ашигладаггүй.
9. Хүүхдийн мэдээлэл
Энэ үйлчилгээ нь 13-аас доош насны хүүхдэд зориулагдаагүй бөгөөд бид тэдний мэдээллийг зориудаар цуглуулдаггүй.
10. Өөрчлөлт
Энэхүү бодлогод өөрчлөлт оруулбал энэ хуудсанд шинэ огноотойгоор нийтэлнэ. Чухал өөрчлөлтийн талаар имэйлээр мэдэгдэнэ.
11. Холбоо барих
Нууцлалтай холбоотой асуулт, хүсэлтээ дараах хаягаар илгээнэ үү:
- Имэйл: info@hunnuinstitute.org
- Вэб: hunnuinstitute.org
- HUNNU Институт, Улаанбаатар хот, Монгол Улс